luns, 30 de marzo de 2015

A Columna Galega das Marchas da Dignidade, estivo en Madrid o pasado 21 de Marzo de 2015 - Vídeo e Fotos


A Columna Galega das Marchas da Dignidade participou na mobilización estatal das Marchas de todos os territorios, pobos e nacións do, polo de agora, Reino de España. O evento reivindicativo histórico, continuador do anterior do 22 de Marzo de 2014, tivo lugar en Madrid o pasado 21 de Marzo de 2015. Ao berro unitario "a Pan, Traballo e Teito o Pobo ten dereito", a diversidade de cores e linguas, e un mar de reivindicacións e conxuncións de loitas, marcharon centos de miles de persoas, camiño da Folga Xeral convocada para o 22 de Outubro.


https://youtu.be/oUduwryKUT4 - Galiza Contrainfo

Galería de Fotos de Galiza Contrainfo: Accede/Baixa.


TELÉFONO DE CONTACTO:
603 213 863

ENDEREZO DE CORREO-E:
marchasdadignidadeferrolterra[arroba]gmail.com





Enlaces de interese
.-
Ferrolterra:
http://marchas-da-dignidade-ferrolterra.blogspot.com.es/
Galego:
http://marchasdadignidade.blogspot.com/
Estatal:
http://marchasdeladignidad.org/
Redes da Columna Galega:
https://twitter.com/galizaMarcha22M
https://www.facebook.com/MarchasDignidade
https://www.facebook.com/groups/265451853621237/
https://www.youtube.com/channel/UCaOvAhPYKR43taxbOKCCreg


PAN, TRABALLO E TEITO !!
Á RÚA QUE XA É HORA !!

||||||||||||||||||||

xoves, 12 de marzo de 2015

A Columna Galega das Marchas da Dignidade, denuncian á RENFE e o Ministerio de Fomento por boicotear o 'Tren da Dignidade' - As columnas locais reaccionan masivamente contratando dúcias de autobuses que sairán desde todos os recunchos da Galiza


A Columna Galega das Marchas da Dignidade, denuncian á RENFE e o Ministerio de Fomento


Despois de ter preacordado con Renfe a contratación de dous trens charter para viaxar a Madrid o vindeiro 21 de marzo, a dirección desta empresa, asumindo directrices políticas da Ministra de Fomento e utilizando diversos estrataxemas, vólvese atrás para intentar impedir que os Galegos e Galegas esteamos presentes nas Marchas da Dignidade que teñen previsto confluír en Madrid, na céntrica Praza de Colón o sábado 21 de Marzo, ás 6 da tarde nun grande acto de encontro, diversidade, loita e reivindicación.

Manolo Camaño, un dos portavoces da Plataforma Galega das Marchas da Dignidade, nun acto abarrotado de público celebrado onte en Vigo, onde tamén interviñeron Diego Cañamero e Willy Toledo, afirmou: “A decisión política de Ana Pastor e os seus secuaces de impedir de que viaxemos en tren a Madrid, ímola responder aínda con máis 'dignidade'. Comprometémonos desde aquí a levar o dobre de xente que estaba prevista nos dous trens, e sairán autobuses de toda a xeografía galega. O 21-M, si ou si, imos ateigar Madrid”.

O 21 DE MARZO, SÍ OU SÍ VOLVEMOS A MADRID

"SI A CAPACIDADE DOS DOUS TRENS DÁ PARA ENCHER ONCE AUTOCARES, IMOS A LEVAR 25... "
---

O BOICOT AO TREN GALEGO DA DIGNIDADE FAI QUE ESTEMOS TRABALLANDO "A TODO TREN" PARA ENCHER 31 AUTOBUSES A MADRID O 21M- SI OU SI O 21 DE MARZO.A DIGNIDADE GALEGA ESTARÁ EN MADRID

Xa temos planificado o desprazamento a Madrid. Informaremos, con tempo, sobre os lugares e horas concretas de saída. Os teléfonos para o cambio dos billetes de tren vendidos e novas reservas son os que xa se repartiron e podedes atopar neste blogue . Abaratase o prezo (que agora estará entre 25 e 30 euros) e aumenta a rebeldía para acudir a Madrid. Ponte en contacto ca xente das marchas da Dignidade da túa comarca.

"Si as prazas do tren as cubrimos con 11 autobuses, a previsión agora son levar 31".

"Se non queren caldo, sete tazas."

O 21 DE MARZO, SI OU SI VOLVEMOS A MADRID

CONTRA ESTES GOBERNOS, CONTRA O CAPITAL, HAI QUE BOTALOS XA!!!

PAN, TRABALLO, TEITO E DIGNIDADE

ESCALETA INFORMATIVA...... CONTACTOS PARA A RESERVA DE PRAZAS NOS 30 BUSES QUE SAIRÁN DE GALIZA PARA MADRID O 21M


A PESARES DA CENSURA SOBRE A NOTICIA, TRAS A AMPLA DIFUSIÓN EN NOTA DE PRENSA, NON SE PODEN CALAR AS VOCES, NIN AGOCHAR AS ATINADAS VERBAS IMPRESAS EN PAPEL SOBRE O BOICOT AO TREN GALEGO DA DIGNIDADE. PÓDENSE OUVIR E PÓDENSE LER, AÍNDA QUE TEÑAMOS QUE BUSCALAS ... LIBERDADE E DIGNIDADE PARA A PRENSA XA!!!!

video


Marchas da Dignidade Ferrolterra

http://marchas-da-dignidade-ferrolterra.blogspot.com.es/

marchasdadignidadeferrolterra@gmail.com

Telefono: 603 213 863




Vindeiros eventos das Marchas da Dignidade Ferrolterra
:

|||||||||||||||||||||

mércores, 11 de marzo de 2015

As Marchas da Dignidade Ferrolterra organizan a proxección do documental "Angrois no esquecemento" e un posterior debate, este Venres 13 de marzo ás 7 da tarde


Proxección "Angrois no esquecemento" e posterior Debate.

Venres día 13 de marzo ás 19:00hs.
Salón de actos do Ateneo Ferrolán

Rúa Madalena, 202-204 | Entrada de balde.

ANGROIS NO ESQUECEMENTO

Sinopse: Máis dun ano despois da traxedia do Alvia 04155 en Angrois, as vivencias persoais e as interrogantes sobre por que descarrilou o tren aquel 24 de xullo seguen no pensamento dos que lles tocou estar alí.

Vítimas, familiares, profesionais dos servizos de urxencia e persoas anónimas que colaboraron no rescate son a única voz deste documental de testemuñas. Intentan ir superando aquela data, recordando os seus, mentres acusan as institucións de facer todo o posible para deixar Angrois no esquecemento sen esclarecer a verdade.

Idioma: Galego e castelán.
Ficha técnica:
Guión e Dirección: Emilio Carral e Susana S. Recouso.
Imaxe: Marcos Budiño e Fran Piñeiro.
Música: Kevin MacLeod.
Produción: Colectivo audiovisual Lentes Diverxentes.
www.lentesdiverxentes.com | www.facebook.com/angroisnoesquecemento


Organiza: Marchas da Dignidade Ferrolterra

http://marchas-da-dignidade-ferrolterra.blogspot.com.es/

marchasdadignidadeferrolterra@gmail.com

Telefono: 603213863

Vindeiros eventos das Marchas da Dignidade Ferrolterra:

TODOS OS XOVES ÁS 11:30 DIANTE DO EDIFICIO DA XUNTA EN FERROL
https://www.facebook.com/events/835864166480712/


O 21 DE MARZO VOLVEMOS A MADRID
https://www.facebook.com/events/863612993696349/


||||||||||||||||||||||||||||||

martes, 3 de marzo de 2015

Por un plan de choque contra o paro, por unha renda básica, as Marchas da Dignidade Ferrolterra, convocan unha mobilización este xoves 5 de Marzo, ás 11:30hs, diante do edificio da Xunta - A Marcha das Tarxetas - Participa !!


Levemos a tarxeta do paro ao concello!! | Temos que facer-nos ver!!

A parte de buscar traballo, atender ás nosas familias, temos que facer un esforzo e dedicar un tempo a cambiar entre todas e todos esta situación. Unha situación onde a corrupción, o abuso dos bancos e a impunidade, vainos empobrecendo á maioría.

Van xa 6 anos desta estafa chamada crise e ningún goberno fixo nada por intentar contratar á xente que estamos no paro. Temos máis poder do que pensamos, se saímos á rúa as 9.000 persoas que estamos no paro no concello de Ferrol, ou as máis de 16.000 entre as tres comarcas Ferrolterra Eume e Ortegal, non lles vai quedar mais remedio que atender ás nosas demandas ou dimitir.

Por todo isto quedamos o xoves dia 5 de Marzo ás 11:30 da mañá  diante do edificio da Xunta en Ferrol (Praza Amada Garcia) e marcharemos até o edificio do Concello (Praza de Armas) coas nosas tarxetas do paro ben alta.
... para facernos ver !!
... que non somos números!!
... somos persoas!! ... participa!!
O noso obxectivo inmediato é ...
presentar no rexistro da Xunta e nos dos Concellos as seguintes demandas para ser cumpridas polas administracións competentes:
1.- Plan de choque urxente contra o paro contratándonos directamente das listas a 500 persoas.

2.- Renda básica para todas as persoas que estamos no paro e quedamos sen ningún tipo de prestación.
fagámonos ver!!  |  acode!!  |  todas e todos facemos falta!!

Evento no facebook:
https://www.facebook.com/events/1552724258347801

Declaración Universal dos Dereitos Humanos
:
Artigo 22.

Toda persoa, como membro da sociedade, ten dereito á seguridade social, e a obter, por medio do esforzo nacional e da cooperación internacional, habida conta da organización e os recursos de cada Estado, a satisfacción dos dereitos económicos, sociais e culturais, indispensables á súa dignidade e ó libre desenvolvemento da súa personalidade.

Artigo 23.

1. Toda persoa ten dereito ó traballo, á libre elección do seu traballo, a condicións equitativas e satisfactorias do mesmo e á protección contra o desemprego.

2. Toda persoa ten dereito, sen discriminación ningunha, a igual xornal por traballo igual.

3. Toda persoa que traballa ten dereito a unha remuneración equitativa e satisfactoria, que lle asegure, así como á súa familia, existencia conforme á dignidade humana e que será completada, en caso necesario, por calquera outros medios de protección social.

4. Toda persoa ten dereito uníndose con outras, a fundar sindicatos e a sindicarse para a defensa dos seus intereses.

Artigo 24.

Toda persoa ten dereito ó descanso, a gozar do tempo libre, a unha limitación razoable do tempo de traballo e a vacacións periódicas pagadas.

Artigo 25.

1. Toda persoa ten dereito a un nivel de vida axeitado que lle asegure, así como á súa familia, a saúde e o benestar, e en especial a manutención, o vestido, a vivenda, a asistencia médica e os servicios sociais necesarios; ten así mesmo dereito ós seguros no caso de desemprego, enfermidade, invalidez, viuvez, vellez ou outros casos de perda dos seus medios de subsistencia por circunstancias independentes da súa vontade.
[1]


ROMPAMOS O SILENCIO,
FAGAMOS-NOS VISÍBEIS.
Á RÚA QUE XA É HORA.
PAN, TRABALLO E TEITO.
RECLAMEMOS O NOSO DEREITO,
A UN TRABALLO DIGNO E DECENTE.

"O DEREITO A UNHA VIDA DIGNA É UN DEREITO HUMANO QUE NON DEBE ESTAR CONDICIONADO AO CUMPRIMENTO DE REQUISITOS PREVIOS, INHERENTE ÁS PERSOAS E INALIENÁBEL DA SÚA EXISTENCIA. A RENDA BÁSICA PERMITE ÁS PERSOAS TOMAR AS SÚAS PROPIAS DECISIÓNS SEN ESTAR SOMETIDAS Á NECESIDADE DE VENDER A SÚA FORZA DE TRABALLO EN CONDICIÓNS INACEPTÁBEIS" [2].

MARCHAS DA DIGNIDADE FERROLTERRA


O 21 de Marzo volvemos a Madrid

Publica, twitea, curte, gosta de:

O 25F #EuVou ás manifas de apoio a @GalizaMarcha22M.

#PanTraballoTeito.

#VolvemosaMadrid.

Enlace onde se pode acceder á Folla Informativa da campaña, para ler e difundir, pola rede ou imprimir: Acceder/Baixar.

Enlaces de interese.-
Ferrolterra:
http://marchas-da-dignidade-ferrolterra.blogspot.com.es/
Galego:
http://marchasdadignidade.blogspot.com/
Estatal:
http://marchasdeladignidad.org/
Redes da Columna Galega:
https://twitter.com/galizaMarcha22M
https://www.facebook.com/MarchasDignidade
https://www.facebook.com/groups/265451853621237/
https://www.youtube.com/channel/UCaOvAhPYKR43taxbOKCCreg


PAN, TRABALLO E TEITO !!
Á RÚA QUE XA É HORA !!

---
Notas.-
[1] Transcrición dos artigos 22, 23, 24 e 25 do Texto da Declaración Universal dos DDHH, publicada polo Seminario Galego de Educación para a Paz.
[2] Fragmento do Manifesto do 1º de Maio de 2014, do Espazo EcoSocialista Galego.
||||||||||||||||||||||||||||